Lectio finitur quae patris honore politur.
Haec celebri fama clara profertur in aula.
Denique cum legitur ornatu mens redimitur.
Famine faceto concludens certa fatendo.
Hic statuit normam consignans maxime formam.
Pullulat in natis olim quod pretulit actis.
Confugium cunctis uno glomeramine iunctis.
Presidium fessis solamen amabile mestis.
Strenua pupillis dispensans orsa pusillis.
Ac sibi subiectis a cosmo rite resectis.
Fulgurat ut lampas obfuscans lumine laruas.
Hac sumus emeriti pastoris laude potiti.