Sortior in prologo quae sit meditatio uoto 
Inter enim notos ymum me censeo totos
Aggredior fisus lector quod pandit opimus
Condere sermonem, tandem seruando pudorem
Scilicet ut patris currat per facta IOHANNIS
Magnificis uerbis affans miracula terris
Summipotens prestat fidis quae factor et exstat,
Hic ueterem luctam zabulina fraude perustam
Arripuit, magnos felix luctator in annos
Ceu paciens omnes miles expectat agones
Taliter iste modum metans a sydere motum
Succubuit uitae mitis luculenter auitae
Notificans plebi quae sunt prosperrima menti
Terrea tempnentem celestia iuge petentem
Ingenitum colere sincero docmate uere
Ac genitum plenum diuino pneumate. HIESUM
Qui sibi collatum portendit rite palatum
Pectore tutamen celsum sacrando beamen,
Suplico cernentes suplex suplicando legentes
Caelitus ignescant igniti laude nitescant