De sancto Mariano Marianus monachus de territorio bituricensis natus tempore sancti Alodii successoris sancti Germani circa annos domini 480 claruit. Qui a sancto Marmertino abbate in prefato monasterio monachus factus est. Cuique idem pater officium alendorum aialium praemisit quidem ille gratenter suscepit et humiliter adiplere curavit. Die quadam a prum a canibus et venatoribus fugatum ad se fugientem benignis excepit canibusque ut animal dimitterent imperavit. Qui ex eo die domesticus effectus sanctum uti catulus sequebat. Die dominico ad ecclesiam pergens ut sibi mos erat fratrem secum duxit invitum eo quo ille debebat ipsa die fratribus ministrare. Et dum audientes missam nimis tardarent illeque ad horam se non posse redire putaret finito evangelio equum ut abiret ascendit sed nequaquam ipsum inde movere potuit donec seipsem deliquisse cognoscens ad ecclesiam rediit et usque ad finem misse cum Mariano permansit. Et ad horam reversus suum ministerium adiplevit vir autem domini in monasterio fontaneti in pace quievit. 3. Cal. Maii corpusque eius inde delatum autisiodori in suo monasterio sepultum est.