445.	1086, juillet.	DE CAVANNIC.	In nomine Domini Ego Wido comes de Saltia gratia Dei, una cum consilio R. Linguonensium episcopi et clericorum ejus nec non et consilio nobilium virorum meorum, pro salute animæ meæ et omnium parentum meorum, dono locum illum qui dicitur Cavanni ad alodium, cum omnibus appenditiis, cum terris cultis et desertis, cum silvis et pratis, sancto Salvatori et sanctæ Fidi de Conchas et abbati Stephano et monachis presentibus et futuris de Conchas. Et habet terminum istud alodium usque Allais de Homine Mortuo, et alius terminus est usque ad illam villam que dicitur Curtils, et alter terminus usque ad illum locum qui dicitur Longa Prata. Quiquid infra hos terminos visus sum habere vel quiquid laboraverint alieni homines qui ibi pro amore sancte Fidis habitare voluerint vel mei servi vel mei homines, terciam partem et decimum et omne servitium quod mihi debuerant facere, totum dono et derelinquo sancto Salvatori et sanctæ Fidi de Conchas, sicut superius scriptum est. Similiter dono alium locum qui dicitur Goies sancto Salvatori et sancte Fidi de Conchas et predicto abbati suisque successoribus, cum omnibus appenditiis, cum terris ad me pertinentibus cultis et desertis, pratis, silvis, et terciam partem decimi que pertinet ad me et omne servitium meorum hominum qui infra hos terminos habitaverint vel laboraverint; et nihil ad meum opus retineo, sed totum hoc, pro peccatis meis, dono sanctæ Fidi et habitatoribus de Conchas. Facta carta ista anno ab incarnatione Domini millesimo octuagesimo sexto, in mense julio, indicione nona, feria VII, regnante Phylippo Francorum rege.  S. Gwidoni comitis qui cartam istam scribere vel affirmare rogavit. S. Stephani. S. Rainoni. S. Poncii. S. Galterii Olarii.	
446.	Vers 1086.	DE CHAVANENC.	R. Dei misericordia Linguonensis æcclesiæ presbyter religioso sanctæ Fidi abbati dilectiones in Domino. Quum, frater karissime, ordini nostro congruit viros seculares in eo quod necessarium est animæ karitative redarguere et ad ea quæ salutis suæ conveniunt in quantum valemus reducere, dignum duximus, si quid boni, Deo donante, faciunt, non tantum laudare sed de bene actis Deo gratias agendo congratulari et confirmare. Nos igitur elemosinam illam quam domnus Guido de Granceia in comitatu de Saltio æcclesiæ vestræ contulit, cum de nostro existat beneficio, consilio et consensu æcclesiæ Linguonensis, laudamus et litteris istis assensum testantibus corroboramus. S. Amalrichi decani, Hugonis archidiaconi, Guirardi de Granceio. S. Rainerii de Notiantio. Stephano attestante archidiacono.	
447.	Vers 1086.	[DE CAVANNI.]	Domno et patri suo S. abbati frater W. devotas in Christo orationes. Testis mihi est Deus cui servio quod sine intermissione memoriam vestri facio semper in meis orationibus. Desidero enim videre vos quum sepe proposui venire et prohibitus sum usque adhuc, ut aliquam per vos habeam consolationem quia tribulationes et tristiciæ super habundaverunt mihi, ut vix alicui patefacere queo. Nunc vero abbas Gerontius et abba Rodulfus invitant me ad suorum obedientiam aliquando blandiciis aliquando terroribus, nec sic valent vincere. Modo autem super hac re consulite salubriter et remanda sagaciter per Nivilonem sive per istum in capite jejunium quid agere debeam. Valete. Salutat vos domnus Wido comes cum suis, et donat monasterio sancti Salvatoris locum qui dicitur Cavanni cum suis appenditiis et alium locum similiter qui dicitur Goges cum suis appenditiis, et cum viderit aliquem a vobis missum donationem faciet kartulo coram episcopo et principibus terre.	
458.	Vers 1086.	CAVANNI.	In nomine Domini. Ego W. comes de Falcio Grandei, una cum consilio Linguonencium episcopi et clericorum ejus, pro salute anime mee et antecessores meos, dono locum illum qui dicitur Cavanni ad alodium, cum terris ad me pertinentibus cultis et desertis, cum silvis et pratis que hodie in dominio habeo, et nichil ad meum opus retineo, sed totum hoc pro salute anime mee et antecessores meos dono sancto Salvatori et sancte Fidis de Conchis et abbati Stephano et monachis præsentibus et futuris. S. Widoni comitis. S. Stephani abbati. S. Rainoni. S. Poncii. S. Adalardi. S. Galterici. S. Albal...ci.	
483.	XIIe siècle.	DE CAVANNICH.	Notum sit præsentibus et futuris quod ego R. de Verri, cum consilio et assensu uxoris mee et filii mei Milonis, in præsentia domni J. abbatis Conchensis, pro salute anime mee et parentum meorum, dono et concedo in elemosina unum de tribus receptis quod habebam in domo de Chavannich pro decima carruce ipsius domus cum tribus militibus et infra non amplius. Relinquo et decimatorem quem pro voluntate mea ponebam in decima de Chavannich et de Rore, et concedo ut ipse prior ponat decimatorem quem voluerit, sed non ponat aliquem hominem comitis; et tantum terre juxta ecclesiam de Rore ut prior domum et orreum et curtim possit edificare. Hujus rei testes sunt: Eblo prior de la Cestat et G. frater ejus et P. Calbini capellanus ipsius abbatis, D. prior, P. de Castellet, Hugo de Turci, Odo capellanus, Gillabertus Molineirus, Constantius Major, P. de Inter Aquis.	
484.	Vers 1090.	[DE VIRIDI FONTE ET VAVA.]	Notum sit omnibus fidelibus quia Hosfridus de Bello Monte cum uxore sua Gertrude et duobus filiis Hugone et Fulcone et fratre nomine Savaricus dederunt sancte Fidi, pro remedio animarum suarum et pro requie animarum militum suorum Girberti atque Gimoni interfectorum, locum qui Virida Fons dicitur, sicut aqua dividit que usque ad aliam aquam decurrit et a semitam que pertingit usque ad viam puplicam usque ad aquam superius prædictam; et insuper dedit silvam nomine Vavan ad edificia propria nobis et nostris sine empcione; et in Vava sit medietatem que sibi habere videtur quousque melioracionem loci videat in melius proficere necnon ubicumque pastionem porcorum scilicet in Vavasitexto et in aliis ubicumque sua potestas videtur percurrere. Et hoc datum est in manibus fratrum Arnaldi monachi atque Geraldi conversi qui levaciones facit choram his testibus: Milone, Ansirici, Wolterius, Girardo, Rodulfo, Himberto, Widoni, Gausfrido. Custodes autem harum silvarum dederant Deo et sanctæ Fidi Rotbertus et Umbertus quod ad illos videbantur pertinere, videntibus et audientibus Rodulfo, Willelmo, Rodulfo filio Salva, Arberto filio Arberto, Girberto Berroers. Si quis autem de hoc dato quod datum est choram testibus prænominatis aliquid voluerit domere, heternas penas luat cum Juda proditore neque cum electis in regno annumerare Dei valeat. Acta scedula hec Flaviniaco monasterio, regnante Rainaldo abbate anno III, Begone autem abbate sancte Fidis regnante anno III et IIII menses.	
488.	1110.	CHAVANIC.	In Dei nomine ego Ligiardis comitissa, secundum priorem donationem mariti mei Domni Widonis comitis de Salcio, cum filio meo Eblone, dono sancto Salvatori et sancte Fidi de Conchis atque domno Bonefacio abbati monachisque tam presentibus quam futuris ejusdem loci illum nostrum alodium quod dicitur Cavanicus quod ad me pertinet de hereditate parentum meorum, cum omnibus possessionibus et terminis de parrochia de Goes, cum terris cultis et incultis, cum silvis, pratis, aquis et piscatoriis que prius in dominio habebamus, et nichil ad opus nostrum reservamus, set totum Deo et sancte Fidi concedimus, sicut ad nos pertinet, pro salute animarum nostrarum et omnium parentum nostrorum. Hoc totum libere et ingenue sit semper deinceps in perpetuum sub potestate et ordinatione abbatis et monachorum sancte Fidis. Isti sunt termini de Cavanico et Gois: del gado de Tremoil sicut vallis ascendit usque Alzoil ubi quatuor termini de bosco feriunt et inde usque ad Lava et ad Goes et deinde usque ad terram Pertu.adam et usque ad combam del Soil, de parte vero vallis ab inferiori capite de campo sancti Stephani usque ad vadum de Tremoil. Piscaria et equalitas vallis et justicia, quantum ad nos pertinet, sit in dominio monachis sanctæ Fidis, sicut supra nominatum est. S. Ligiardis comitisse et Eblonis comitis qui hanc cartam scribere jusserunt. S. Teicelini Sauri. S. Rotberti. S. Alberici et filii ejus Lamberti. S. Galterii de Fontanis.  Facta carta ista regnante Ludovico rege Francorum, anno ab incarnatione Domini M C X.	
489.	Vers 1110.	[CHAVANIC.]	Ego Oddo de Ventos dono Deo et sancte Fidi et abbati Bonefacio illum mansum meum qui est juxta atrium de Goes pro salute animæ meæ et omnium parentorum meorum. S. Otberti monachi. S. Galterii de Fontanis. Decima de termino Cortils et de Roire pertinet ad parrochiam de Goes.	
490.	Vers 1110.	[CHAVANIC.]	Ego Maifredus cum filio meo Poncio dono Deo et sanctæ Fidi æcclesiam antiquam modo desertam de Goes cum toto atrio qui est in circuitu, pro redemptione animæ meæ et omnium parentum meorum in presencia domni Bonefacii abbatis. S. Otberti monachi. S. Geraldi monachi. S. Alberici et filii ejus Lamberti.	
539.	1163-1179.	DE CHAVANNICH.	Ego Galterius Dei gratia Lingonensis episcopus omnibus in posterum. Convenerunt in presentia nostra abbas sancte Fidis Isarnus dictus cum quibusdam fratribus suis et Guido comes Salionis et ejus frater Ebalus super dubitacionem cujusdam controversie quæ inter eos versabatur de potestate ville dicte Chavannich. Cognoverunt itaque in audientia nostra prefati viri Guido et Ebalus quot in villa Chavannich nichil haberent, præter magnam justiciam et majorem ville et hominem quemdam alium Guidonem dictum et familia ejusdem et mansum unum majoris ipsius et liberam villæ custodiam; non nisi hec omnia prædicti fratres sancte Fidis dictos viros habere in villa illa cognoverunt, sed tamen mansum majoris dicebant eos ibi habere ut ibidem reciperentur in hospicio et non alibi si forte in villam venirent. Consilium tamen fuit prædictorum fratrum ut ad tempus sustinerent præfatum Ebalum qui rem tenebat quam præscripsimus in villa illa tenere, sub hac condicione quod quandocumque fratres reclamare voluerint idem Ebalus vel qui pro eo rem tenuerit ejus super hoc justicie stabit. Juravit sepe dictus Ebalus quod nulla alia nisi præscripta a villa ibi exigeret neque extorqueret neque talliam, nec aliam exactionem, neque procurationem, neque hospitalitatem qui vulgo dicitur albergarta. Protaxatus vero comes spopondit se facturum bona fide justiciam de fratre suo Ebalo, si qua alia quamque ipsi cognoverint a villa dicta extorqueret. Ut autem hoc firmiori muniretur stabilitate per manum nostram factum est et auctoritate firmatum. Hujus rei testes sunt Gerardus Lingonensis archidiaconus, Radulfus, Matheus Benignus, canonichi, Philipus abbas Sancti Benigni, Paganus, Olevarus, milites.