Tercio nonas Ianuarii. Anno Domini M° CC° septuagesimo quinto. Obiit bone memorie dominus Humbertus de Arnayo presbiter, capallanus sancti Iohannis de Crota: jacet in virgulto beati Lazari.
Nonas Ian. Obiit Gertrudis domina Glane pro cujus anniversario capitulum tenetur solvere tres solidos IIII d. Parisien. Item, obiit Audo dominus Glane qui dedit ecclesie Eduensi terram de Maichat pro anniversario suo.
Septimo idus Ian. Obiit venerande memorie dominus Sthephanus episcopus Eduensis qui dedit ecclesie Eduensi ecclesiam Collomelle pro anniversario suo. (1112-1139.)
Tercio idus Ian. Anno Domini M° CC° septuagesimo septimo. Obiit magister Iohannes de Belna canonicus Eduensis: jacet in platea ante portam beati Lazari.
Pridie idus Ian. Obiit dominus Guillermus de Losyaco canonicus Eduensis et abbas Cerviduni, qui dedit nobis pro anniversario suo in ecclesia Eduensi annuatim faciendo centum sol. Parisien. videlicet quinquaginta sol. Parisien. sitos super domum suam sitam apud Eduam juxta ecclesiam B. Marie et ante ecclesiam B. Lazari, et triginta sol. Parisien. annui redditus sitos super minutas specias vinearum quas acquisivit idem Guillermus apud Canabas, et XX sol. Parisien. annui redditus super quamdam plantam vinee quam ipse et dominus Bertrandus de Chavine archidiaconus Belnensis edificaverunt apud Canabas: jacet dictus Guillermus in introitu ecclesie B. Nazarii.
Idus Ian. Anno Domini M° CC° octogesimo sexto. Obiit bone memorie dominus Guillermus de Prumello canonicus Eduensis et decanus Belnensis qui dedit nobis pro anniversario suo annuatim faciendo quadraginta libras Turon. ad emendum redditus. Bulsa panis et vini debet quadraginta sol. Turonen.
Nono decimo kal. Febroarii. In crastino octabarum Eppiphanie, anniversarium et processio pro defunctis confratribus et benefactoribus beati Nazarii et beati Lazari, pro quorum anniversario capitulum tenetur solvere ad vigilias cuilibet canonico IIII d. Parisien. et ille qui tenebit domum sancti Quintini tenetur solvere ad processionem cuilibet canonico II d. Parisien. Magister Helyas de Poylleyo tenet dictam domum.
Eodem die debet celebrari missa de sancto Spiritu pro confratribus vivis et benefactoribus B. Nazarii et B. Lazari.
Octavo decimo kal. Febr. Obiit dominus Iohannes de Centosses curatus ecclesie de Verreriis, pro cujus anniversario capitulum tenetur solvere quolibet anno XII s. et VI d. Parisien. Iacet sub capitello B. Lazari.
Item, obiit Hugo qui dedit ecclesiam Viriaci pro anniversario suo. Capitulum debet III s. IIII d. Parisien. (1014, v. 2e p. ch. III.)
Quinto decimo kal. Febr. Obiit dominus Falco de Pouruil canonicus qui dedit ecclesie Eduensi pro anniversario suo annuatim faciendo terram suam de Pouruil et aquisivit dicte ecclesie ecclesias de Chayle et de Exartenes, pro cujus anniversario capitulum tenetur solvere quolibet anno XXX s. Parisien. Iacet dictus Falco prope portam B. Lazari.
Duodecimo kal. Febr. Obiit Gerardus senescallus qui dedit nobis pro anniversario suo annuatim faciendo XX solidos Parisien. annui redditus super domum suam quam edificavit juxta refectorium. Dedit etiam nobis vinum collationis ad potandum in Quadragesima. Dominus Gaufridus de Mailleyo archidiaconus Belnensis tenet dictam domum et debet dictos XX solidos Parisien. Iacet dictus Gerardus in capitulo.
Sexto kal. Febr. Obiit Henricus de Muresello dictus de Loysy canonicus Cerviduni.
Octavo ydus Febr. Obiit dominus Stephanus de Valerot miles.
Septimo ydus Febr. Obiit bone memorie Alexander Cabilonensis episcopus pro cujus anniversario annuatim faciendo terra de Moloseyo tenetur solvere quadraginta solidos Parisien. (Obiit an. 1261.)
Quinto ydus Febr. Obiit dominus Huguo de Veleclort capellanus de Suleyo pro cujus anniversario ecclesia de sancto Gervasio tenetur solvere annuatim viginti duos solidos et VI denarios Parisien. (1232, v. 2e partie, ch. LXV.)
Quarto ydus Febr. Obiit dominus Seguinus curatus de Beline pro cujus anniversario Maria de Beline dicta li portere soror sua debet quinque sol. Parisien. sitos super grangiam suam de la Charrere.
Tercio ydus Febr. Obiit Bartholomeus archipresbiter Eduensis qui dedit nobis domum suam pro anniversario suo annuatim faciendo. Decanus Bernensis (scilicet Belnensis) tenet dictam domum et debet viginti sol. Parisien. Iacet in capitulo.
Sexto decimo kal. Marcii. Obiit Riverius canonicus et abbas Cerviduni: jacet in porticu B. Nazarii.
Quinto decimo kal. Marcii. Obiit domina de Monte Forti pro cujus anniversario terrarius de Moloyse tenetur solvere viginti solidos Parisien.
Tercio decimo kal. Marcii. Obierunt Bernardus miles et Alaydis de Porta.
Sexto kal. Marcii. Obiit dominus Henricus Eduensis episcopus pro cujus anniversario capitulum tenetur solvere viginti solidos Parisien. (1170.)
Quinto kal. Marcii. Anno Domini M° CCC°. Obiit bone memorie dominus Theobaldus de Faucoigneyo canonicus Eduensis et decanus Bysuntinensis.
Quinto nonas Marcii. Obiit magister Petrus de sancto Ferreolo canonicus Eduensis pro cujus anniversario dominus Guido de Corrabufz canonicus Eduensis assedit nobis viginti sol. Parisien. annui redditus sitos super prata sua de Fonte sita inter villam d’Ivre et domum suam d’Yvre. Item, Girardus de sancto Leodegario domicellus debet pro dicto anniversario decem solidos Parisien. sitos super homines suos de Noyron quos debet prepositus suus de Noyron persolvere pro dicto Girardo.
Quarto nonas Marcii. Anno Domini M° CC° septuagesimo sexto. Obiit dominus Guillermus de Verduno decanus Eduensis et cantor Cabilonensis qui dedit nobis et fecit tantum quod nos tenemur facere anniversarium suum in decem libris Vien. Iacet es crotes ante altare beati Iohannis Evangeliste.
Tercio nonas Marcii. Obiit nobilis domina Aalais ducissa Burgundie pro cujus anniversario capitulum tenetur solvere sexaginta sol. Parisien. de bulsa communi.
Pridie nonas Marcii. Obiit Bartholomeus presbiter curatus de Beligne.
Octavo ydus Marcii. Obiit magister Stephanus bone memorie de Aspossia archidiaconus Rocerii in ecclesia Matisconensi, qui dedit nobis viginti libras Vien. ad emendum redditus pro anniversario suo annuatim faciendo, quos recepit magister Radulphus de Hervilla canonicus Eduensis nomine capituli.
Quinto ydus Marcii. Obiit Huguo de Monte et uxor sua pro quorum anniversario bulsa panis et vini debet solvere decem s. Parisien. et dominus Amicus archipresbiter Eduensis filius eorumdem dedit nobis pro dicto anniversario alios decem s. Parisien. quos acquisivit a Iohanne de Bancis super tenamentum suum situm inter domos leprosorum de Flure et villam dou Vornemant.
Quarto ydus Marcii. Anno Domini M° CC° quadragesimo quinto. Obiit bone memorie Beltrandus cantor ecclesie Eduensis, ad ultimum de ordine fratrum minorum, qui dedit nobis pro anniversario suo annuatim faciendo centum s. Parisien. annui redditus, videlicet: viginti s. Parisien. super domum de Porta, quam tenet magister Haymo de Pannis; item, decem s. Parisien. super grangiam suam sitam ante domum Girardi Gaunaym, quam tenet magister Nicholaus archidiaconus Eduensis; item, viginti s. Parisien. super domos suas de Fraxino et prata sua de Molandinis Novis et pratum de Larchot; item, voluit quod ille qui tenebit dictas domos cum dictis pratis solvat quinque s. Parisien. in die dicti anniversarii pro oblationibus illis qui erunt in choro, quilibet unum denarium, et residuum presbiteris qui celebrabunt divina pro ipso; item, decem s. Parisien. super grangiam et wilgoltum de Prevaiem, quos debent Iohannes de domo domini Nicholay et Gaufridus li Renaidatz; item, decem s. Parisien. super pratum de Lanesse quod tenent dominus Guido de Castro Novo et dominus Bonus de Castro Canino; item, decem s. Parisien. sitos apud Chasmoles super mansum Poupot quod tenet dominus Gaufridus de Moyes canonicus Cerviduni; item, quinque s. Parisien. sytos super molandinum de Proye, qui non fuerunt soluti jam diu est; item, quinque s. Parisien. quos debet curatus de Tryse super celarium suum de Tryse et super vineam suam sitam juxta dictum celarium; item, decem s. Parisien. quos debet Durandus dycanus de Sampigne.
Anno Domini M° CC° nonagesimo quarto. Obiit magister Thobias de Dola cantor Virgeii. Iacet es mabres.
Idus Marcii. Obiit Sarra domina de Sautrone que dedit nobis pro anniversario suo annuatim faciendo viginti s. Parisien. super domos suas sitas apud Belnam.
Septimo decimo kal. Aprilis. Obiit Stephanus archidiaconus Flaviniacensis.
Obiit miles de sancto Prejecto pro cujus anniversario uxor sua dedit nobis decem s. Parisien. annui redditus sitos super hoc quod habet in decima de Marsis, de Villers et de Montan, quos decem s. debet domina de Marise.
Quinto decimo kal. Aprilis. Obiit Seguinus de Rayne cantor Eduensis.
Tercio decimo kal. Aprilis. Obiit Gauterius cardinalis archidiaconus.
Item, obiit Helysabet domina de Marrine pro cujus anniversario capitulum tenetur solvere decem s. Parisien. de bulsa communi.
Duodecimo kal. Aprilis. Obiit Renaudus vigerius Eduensis, pro cujus anniversario dominus Guillermus de Monjouz miles debet solvere viginti s. Parisien. super homines suos de Rivello (1195-1199).
Undecimo kal. Aprilis. Obiit Elisabet uxor Galterini Vangnieit, que dedit nobis pro anniversario suo decem s. Parisien. sitos apud. Vorgunce super homines suos.
Decimo kal. Aprilis. Anno Domini M° CC° tricesimo nono. Obiit Huguo de Marrine prepositus ecclesie Eduensis qui dedit nobis homines et costumas quos acquisivit apud Marchesu ab Hugone de Chuchere milite (1227, v. ch. LIX).
Sexto kal. Aprilis. Obiit Guido vigerius pro cujus anniversario habemus apud Millay decem s. Vien. annui redditus quos debet Guillermus de la Crosse de Milay. Iacet retro cancellum B. Lazari.
Item, obiit relicta dicti Choureau que dedit nobis pro anniversario suo decem s. Vien. sitos super ochiam suam sitam subtus portam Cabilonensem. Iacet ante monasterium B. Lazari.
Idus Aprilis. Obiit domina Maalons uxor domini Iohannis de Chatoylenot, que dedit nobis unum mansum sytum apud Layse.
Octavo decimo kal. Maii. Obiit bone memorie Gerardus episcopus Eduensis qui corpus B. Lazari catriduani mortui quod Dominus suscitavit pro quo lacrimatus est dicens, Lazare veni foras, cum magna veneratione apud Eduam attulit, pro cujus anniversario tesaurarius B. Lazari tenetur solvere centum viginti s. Parisien. Iacet in ecclesia B. Lazari retro altaris sancti Iohannis Evangeliste (975).
Sexto decimo kal. Maii. Obierunt Guillermus Poyfou canonicus Eduensis et Seguinus prepositus Borbonii pro quorum anniversario dominus Iohannes de Borboneyo curatus de Thasille tenetur solvere viginti s. Parisien.
Undecimo kal. Maii. Anno Domini M° CC° nonagesimo nono. Obiit domina Hodierna uxor domini Guillermi de Antulleyo militis.
Nono kal. Maii. Obiit Philipus dominus Antiney (1248).
Sexto kal. Maii. Obierunt Huguo cantor Cabilonensis et Huguo de Gevre presbiter et Beatris de Porta.
Quarto kal. Maii. Obiit Agnes de Stagno Vadaul, relicta Symonis Bouere, que dedit nobis pro anniversario suo decem s. Parisien. annui redditus sitos super terram et homines de Chanlum, quos debent solvere nobis in decensu Biffrati quicumque tenebunt dictam terram et dictos homines.
Obiit Bernardus de Torceyo canonicus Eduensis qui dedit nobis pro anniversario suo tres mansos sitos apud Ferreanchim in parrochia de Torceyo.
Kal. Maii. Anno gratie Domini M° CC° XX° III°. Obiit bone memorie Galterus episcopus Eduensis pro cujus anniversario capitulum tenetur persolvere annuatim quadraginta VI solidos et VIII d. Parisien. Iacet in monasterio B. Symphoriani.
Quinto nonas Maii. Obiit Leobaudus, puer, pro cujus anniversario et pro suo faciendo Leobaudus de Verreriis miles pater dicti pueri dedit nobis mansum de Pouriot in parrochia de Verreriis.
Quarto nonas Maii. Obiit Gylo de Belna, panetarius, canonicus Eduensis, qui dedit nobis pro anniversario suo annuatim faciendo viginti solidos Parisien. quos acquisivit a Guillermo de Vyco dicto dicano, quos dictus Guillermus assedit super sergentariam suam de Vyco.
Quinto idus Maii. Obiit Petrus ospitellarius de Luzy pro cujus anniversario Gaufridus castellanus de Ysseyaco tenetur solvere decem s. Parisien. sitos in parochia de Ysseyaco super homines ville que dicitur li Exarz de Bosconsye.
Quarto ydus Maii. Obiit bone memorie dominus Guido de Belna decanus ecclesie Eduensis.
Tercio ydus Maii. Anno Domini M° CC° octogesimo octavo. Obiit magister Guillermus Boeri, canonicus Eduensis et abbas sancti Stephani. Iacet in ecclesia veteris sancti Iohannis Baptiste, inter fontes et altare.
Pridie ydus Maii. Obiit secundus Stephanus episcopus Eduensis (1188).
Idus Maii. Obierunt Guillermus cantor Eduensis, Huguo canonicus et abbas sancti Stephani.
Sexto decimo kal. Iunii. Obierunt dominus Galterus de Lavau miles et dominus Humbaudus presbiter, frater suus, qui dederunt nobis pro anniversario suo viginti s. monete currentis in Burgundia sitos super costumas suas de la Colunge tam in avena quam in denariis, que costume site sunt in parochia sancti Leodegarii subtus Biffracto.
Item, obiit Ansericus dyaconus qui dedit nobis pro anniversario suo mansum de Lalye situm apud Montelun.
Quarto decimo kal. Iunii. Obierunt Seguinus archidiaconus et Guillermus de Meniers decanus.
Decimo kal. Iunii. Obiit Guillermus de Sedeloco marescalus domini episcopi Eduensis.
Sexto kal. Iunii. Obiit Ylio prepositus ecclesie Eduensis.
Tercio kal. Iunii. Anno Domini M° CC° nonagesimo septimo. Obiit magister Stephanus de Vesat curatus de Baubeneyo.
Pridie kal. Iunii. Anno Domini M° CC° nonagesimo IIII°. Obiit bone memorie dominus Odo de Salon archidiaconus Flaviniacensis.
Nonas Iunii. Obierunt Guillermus dyaconus de sancto Leodegario canonicus Eduensis, et dominus Guido de Perrolio decanus ecclesie Eduensis.
Octavo idus Iunii. Anno Domini M° CC° XL°. Obiit Iohannes de Marrigne prepositus Beligniaci (v. 2e part. ch. LVII).
Sexto nonas Iulii. Obiit Bernardus de Voudenai miles qui dedit nobis pro anniversario suo unum mansum cum suis pertinanciis situm apud Manleium, qui vocatur mansus au Poletier (1201, v. 2e part. ch. XXXIV).
Quinto nonas Iulii. Obiit dominus Robertus humilis et pius episcopus Eduensis. Iacet es crotes (1140).
Pridie nonas Iulii. Obiit dominus Guillermus Vigerius canonicus et abbas sancti Petri. Iacet in porticu sancti Iohannis.
Sexto idus Iulii. Obiit Robertus archidiaconus Avalonensis.
Item. Obiit Symons decanus Cabilonensis (1241-1257).
Tercio idus Iulii. Obiit Hugo bone memorie prepositus Eduensis ecclesie (1227, v. 2e part., ch. LIX).
Pridie idus Iulii. Obiit Dyonisius canonicus et subdiaconus.
Idus Iulii. Anno Domini M° CC° octogesimo tercio. Obiit bone memorie dominus Guillermus de sancto Martino vicarius ecclesie Eduensis. Iacet juxta tombam domini Guillermi de Verduno decani condam Eduensis, ante altare sancti Iohannis de Crota.
Quarto decimo kal. Aug. Obiit magister Bernardus fisicus. Iacet in virgulto sancti Lazari.
Duodecimo kal. Aug. Obiit magister Odo de Confurgens canonicus Eduensis et abbas sancti Stephani (v. 2e part., ch. CXVIII).
Undecimo kal. Aug. Obiit domina Glane que dedit nobis pro anniversario suo quinquaginta s. Parisien. de quibus terrarius de Beligne debet viginti s. Parisien. super redecimam de Viz et dominus Huguo de Suleyo canonicus Eduensis debet XXX s. Parisien. super mansum de Boutom qui dicitur mansus Eschaumontot.
Septimo kal. Aug. Anno Domini M° CC° LVII°. Obiit bone memorie Hugo archipresbiter Eduensis.
Kal. Aug. Anno Domini M° CC° LX° nono. Obiit bone memorie Gerardus de Rocha prepositus ecclesie Eduensis.
Octavo idus Aug. Obiit Andreas archipresbiter Luzeaci.
Sexto ydus Aug. Obiit Huguo venerabilis duxs Bulgundie qui dedit ecclesie B. Nazarii Eduensis Auctiacum pro anniversario suo (1190, v. 2e part., ch. XXIII).
Nono decimo kal. Sept. Obiit Renaudus de Stagno canonicus Eduensis qui dedit nobis pro anniversario suo mansum de Foucheres situm in parochia de Stangno.
Obiit dominus Laurantius canonicus et archipresbiter Belnensis.
Decimo kal. Sept. Obiit Huguo de Vergeyo decanus Eduensis.
Octavo kal. Sept. Obiit Guido prepositus Belnensis.
Item. Obiit Guillermus coqus domini episcopi, pro cujus anniversario et uxoris sue Guillermus Forestarius debet solvere annuatim decem s. Parisien. sitos super grangiam suam sitam in terragio dou Vornemant ultra domum leprosorum de Flure.
Septimo kal. Sept. Obiit Bartholomeus presbiter et canonicus Eduensis et decanus Sedeloci.
Quinto kal. Sept. Obiit dominus Robertus de Puteo (1283, v. 2e partie, ch. CXLIV).
Quarto kal. Sept. Obiit bone memorie dominus Bertrandus cantor Eduensis.
Septimo idus Sept. Anno Domini M° CC° octogesimo quinto. Obiit dominus Thirricus de Monte Belcardi dominus Antiney.
Sexto idus Sept. Sciendum est quod dominus Bertrandus condam cantor Eduensis dedit nobis hodie in honore Dei Genitricis Marie quinque s. Parisien. ad Sanctus distribuendos et annuatim persolvandos super duas operarias vinee que sunt site apud Allosiam in medio clausi de Cortum.
Pridie idus Sept. Obiit Petrus de Donno Martino canonicus Eduensis pro cujus anniversario dominus Bertrandus pater suus dominus de Donno Martino dedit nobis viginti s. fortium Nivern. sitos in costuma ville de Donno Martino (1216, v. 2e p. ch. L).
Octo decimo kal. Oct. Anno Domini M° CC° nonagesimo sexto. Obiit bone memorie dominus Gaufridus de Maleyo archidiaconus Belnensis.
Septimo decimo kal. Oct. Obiit Huguo de Rivello pro cujus anniversario tasaurarius B. Lazari tenetur solvere tres s. et IIII d. Parisien. super mansum es Bozreaus situm apud Broies.
Sexto decimo kal. Oct. Obiit dominus Amicus archipresbiter Eduensis qui dedit pro anniversario suo et Elysabelt sororis sue et nepotum suorum, filiorum dicte Elysabetz in simul faciendo septem s. et sex denarios Parisien. annui redditus quos acquisivit ab Andrea filius (sic) Laurentii de Labruere, sitos supra domum ipsius Andree sitam an la rue Chancechiens.
Quarto decimo kal. Oct. Obiit magister Federicus canonicus Eduensis et decanus Belnensis.
Tercio decimo kal. Oct. Obiit Huguo de Thuri domicellus qui dedit nobis pro anniversario suo centum s. Vien. annui redditus quos assedit super terram de Thuri.
Item, dedit alios centum s. Vien. annui redditus altari B. Marie sito retro magnum altare B. Lazari.
Undecimo kal. Oct. Obiit Huguo vicarius ecclesie Eduensis pro cujus anniversario Gerardus de Bello Visu prepositus Beligney debet decem s. Parisien. super domum suam.
Nono kal. Oct. Obiit Ascherius dominus sancti Leodegarii qui dedit nobis pro anniversario suo quicquid habebat in terra de Latoy et apud Vorgunce.
Sexto kal. Oct. Obiit dominus Guillermus de Basseyo canonicus Eduensis et abbas sancti Stephani.
Item. Obiit dominus Clemens capallanus altaris B. Marie in ecclesia Eduensi, qui dedit nobis pro anniversario suo annuatim faciendo septem s. Vien. annui redditus sitos super virgultum situm ante monasterium sancti Pancracii, quod fuit Guillermi Aurifabri, et super campum dicti Guillermi situm versus Couar, qui vocatur campus vinee Gregoyre.
Sexto nonas Oct. Obiit Humbertus de Buysy canonicus et archipresbiter Eduensis.
Quinto nonas Oct. Obiit Guillermus de Villers seneschalus Eduensis.
Quarto nonas Oct. Obiit Guido de Petra Pertusa canonicus Eduensis pro cujus anniversario dominus Arveyus de Petra Pertusa miles assedit nobis viginti s. Parisien.
Tercio nonas Oct. Obiit Elisabetz domina Dardant que dedit nobis pro anniversario suo quadraginta s. censuales super terram suam Dardant et de Chamot.
Pridie nonas Oct. Obiit Stephanus de Visulyo archidiaconus Flaviniacensis. Iacet es crotes videlicet in capella B. Leodegarii.
Octavo idus Oct. Obiit dominus Guillermus de Coma curatus B. Marie Eduensis.
Pridie idus Oct. Obiit Emanjardis de Ribello pro cujus anniversario Renaudus maritus suus dedit nobis quinque s. Parisien.
Sexto decimo kal. Nov. Obiit Morellus curatus B. Marie Eduensis.
Quinto decimo kal. Nov. Obierunt domina Maria de Curgeyo et Petrus Fauconnerius pro quorum anniversario annuatim faciendo Odo dux Bulgundie dedit nobis viginti s. Parisien. quos assedit super molandinum et stangnum de la Porcheroce (1232, 2e partie, ch. LXVI).
Quarto decimo kal. Nov. Anno Domini M° CC° septuagesimo secundo. Obiit Huguo nobilis dux Bulgundie qui dedit nobis pro anniversario suo annuatim faciendo trecentas libras.
Nono kal. Nov. Obiit bone memorie Martinus condam archipresbiter de Quadrellis.
Octavo kal. Nov. Obiit Guillermus dictus de Puteo capellanus sancti Iohannis de Burgo.
Septimo kal. Nov. Obiit Martinus de sancto Andochio capellanus sancti Michaelis.
Quinto kal. Nov. Obiit Iohannes de Rocha canonicus Eduensis et condam archidiaconus.
Tercio kal. Nov. Anno Domini M° CC° nonagesimo septimo. Obiit dominus Martinus de sancto Andochio capellanus altaris B. Marie in ecclesia Eduensi.
Tercio idus Nov. Anno Domini M° CC° nonagesimo sexto. Obiit inclite memorie dominus Hugo dictus Ruffus miles, dominus de Suilleyo pro cujus anniversario annuatim in nostra ecclesia faciendo dominus Helyas de Suilleyo archidiaconus Belnensis frater dicti Hugonis dedit nobis quinquaginta libras Turon.
Idus Nov. Obiit magister Odinus de Martigneio canonicus Eduensis qui dedit Deo et ecclesie B. Nazarii octogentas quadraginta libras Vien. ad acquirendum Moloiseium.
Septimo decimo kal. Dec. Obiit Huguo de Maniers canonicus et sanaschalus Eduensis qui dedit pro anniversario suo annuatim faciendo quicquid habebat apud Macon in parochia sancti Martini de la Mer (1241, v. 2e partie, ch. LXXXVI).
Quarto decimo kal. Dec. Obiit bone memorie dominus Guido de Seneceyo episcopus Cabilonensis (1269).
Duodecimo kal. Dec. Obiit dominus Petrus de Barro decanus capelle ducis Divionensis, qui dedit nobis pro anniversario suo quamdam vineam suam sittam in territorio de Bello Monte inter villam Belne et villam de Alorsia.
Sexto kal. Dec. Obiit Humbertus de Rocha capellanus de Poyz pro cujus anniversario bulsa panis et vini debet solvere annuatim viginti sol. Parisien. super vineam de Vorgunce.
Quinto kal. Dec. Obiit Hugo Tuebuef felicis memorie canonicus Eduensis et abbas Cerviduni qui dedit Deo et ecclesie beati Nazarii quicquid habet ecclesia apud Alereium, et apud Premenois et apud Cocenay, et apud Marigniacum molendinum de Lespinat et batatorium cum botorio, et clausum Salviniaci, pro anniversario Hugonis de Arneto cantoris in VI nummis celebrando, et pro anniversario Hugonis de Alereio canonici hujus ecclesie in sex nummis celebrando, et pro suo anniversario in vita Bertrandi nepotis sui in XII nummis celebrando: post obitum vero ipsius B. in duobus sol. celebretur (1195 — 1198 — 1201 — 1205 — 1206 — 1209 — 1211 — 1213 — 1216, v. 2e partie, ch. XXVII, XXVIII, XXX, XXXI, XXXII, XXXIII, XXXIV, XXXVII, XXXVIII, XL, XLII, XLV, XLVII, L.).
Kal. Dec. Anno Domini M° CC° sexagesimo quinto. Obiit dominus Humbertus dictus Officialis, canonicus Eduensis... Item, dedit Humbertus vineas suas de Volenay, que dicitur Tallié Pié et Calleroy.
Quarto nonas Dec. Obierunt Hylerannus canonicus et levita et dominus Huguo de Maniers archidyaconus Avalonensis.
Tercio nonas Dec. Obiit Humbertus de Busyl canonicus Eduensis qui dedit nobis pro anniversario suo annuatim faciendo vinginti sol. Parisien. annui redditus quos tenetur reddere annuatim capellanus capelle de Ansula sub Busyl, quam capellam predictus Humbertus fundavit et ibidem redditus asinavit. Capellanus dicte Insule debet predictos viginti sol. Parisien.
Octavo idus Dec. Anno Domini M° CC° octogesimo nono. Obiit bone memorie dominus Hugo de Sulleyo canonicus Eduensis et decanus Autissiodorensis, qui dedit nobis pro anniversario suo annuatim in nostra ecclesia faciendo quadraginta libras Turon. ad emendum redditus pro dicto anniversario, quas solvit nobis dominus Helyas de Suilleyo nepos ejus nunc archidiaconus Belnensis. Iacet apud Autissiodorum in ecclesia B. Germani.
Quinto idus Dec. Obiit dominus Seguinus curatus de Sampigne.