Charte, datée de 1224, faisant donation à l’abbaye d’Auberive d’une partie du finage de Rouelles.	Ego frater Evrard dictus abbas Longivadi, notum facio presentibus et futuris quod dominus Bartholome Libornes, miles, in presentiâ meâ constituit recognovit, quod Agnes uxor sua, laude domini militis B. et filiorum suorum scilicet Huonis, Petri et Galieri dedit in perpetuam elemosinam domino et fratribus Alberipæ pro salute animæ suæ et omnium antecessorum suorum, quidquid habebat in pratis quod sunt sub rocha in finagio de Roeles et in prato de... Actum anno domini M CC XXIIII.
Charte, datée de 1219, par laquelle Symon, seigneur de Bricon, donne à l’abbaye d’Auberive une moitié de la prairie de Bay, en partant pour les Croisades. Cette donation, comme on va le voir, n’est que conditionnelle.	Ego Villenc miseratione divina Lingonis episcopus notum facio presentibus et futuris quod Symon de Brecons dedit in elemosynam Deo et fratribus Alberipæ, si de transmarinis partibus non redierit, medietatem pratorum de Bays, quæ pater ipsius Symonis, scilicet Stephanus, miles, posuit in vadibus fratribus Alberipæ. Hoc laudaverunt filii ipsi Symonis scilicet Villenc, Reynerius et Milo. Actum anno gratiæ M CC nonodecimo.
Charte datée de 1244. L’abbaye de Luxeuil cède à l’abbaye d’Auberive une maison qu’elle possédait sur le finage de Bay.	Nos Theobald abbas Luxoviensis, Frater conventus ejusdem loci, notum facimus omnibus presentibus et futuris quod nos inspecta necessitate et utilitate monasterii nostri domum nostram sitam in diocesi lingonis juxta villam de Bays quæ vulgo apellatur capella dessus Baiz vendimus et concessimus in perpetuum possidendum religiosis viris abbatiæ et conventus Alberipæ, cisterciensis ordinis, Lingonis diocesis, cum omnibus fructibus, pertinentiis et redditibus ejusdem capellæ. De qua venditione a dicto abbate et conventu Alberipæ est nobis plenius satisfactum in pecunia numerata, et de dicta domo cum omnibus supradictis nos devestientes dictos abbatem et conventum corporaliter investivimus. Solemni stipulatione promitentes quod contra hujusmodi venditionem per nos nec per alios veniemus de cetero nec venire faciemus, imo contra omnes legitimam portabimus garantiam abrenuntiantes in manu dictorum fratrum omni juri rationibus et actionibus et omnibus rebus quas ibidem percepimus et percipere consuevimus litteris et instrumentis per eamdem domum confectis. Tenemur etiam omnes litteras et instrumenta super dicta domo confecta que penes nos habemus et habere poterimus sine aliqua reclamatione reddere fratribus supradictis. Et ut hoc ratum et firmum habeatur de communo consensu presentes litteras dictis fratribus sigillorum nostrorum munimine tradidimus roboratas. Actum anno Domini millesimo ducentesimo quadragesimo quarto, mense septembre, die beati Bartolomei apostoli.
Donation faite par les fils d’Egidius de Vitré à l’abbaye d’Auberive en 1239.	Ego magister Petrus Flavigny officialis curiæ Lingonis notum facio presentibus et futuris quod Martinus Petrus et Evrardus fratres filii Egidii de Vitre dederunt et cesserunt domino et fratribus Alberipæ, in perpetuam elemosinam laude Ancelmæ matris eorum et Rhecie uxoris dicti Martini Johanni filii dictæ Rheciæ quidquid habebant et habere debebant in Brollio de longa aqua posito subtus Baid et quidquid habebant et habere debebant in finagio de Selongerot et in Pauleres... hœc omnia dicti fratres sua fide interposita promiserunt in pace tenere dictis fratribus Alberipæ et contra omnes garantire secundum posse suum. Actum anno Domini MCCXXX nono mense aprilis.